ბია ბიზნესის წარმომადგენლებს სიახლეს სთავაზობს. B Talk - კომპანიის ახალი მიმართულებაა, რომლის ფარგლებშიც სეგმენტური შეხვედრები იმართება ქართულ კომპანიებთან.
პირველი შეხვედრა - "ტრანსპორტისა და გადაზიდვების პოტენციალი საქართველოში", სატრანსპორტო კომპანიების წარმომადგენლებთან 2 თებერვალს, სასტუმრო Holiday Inn Tbilisi-ში გაიმართა.

შეხვედრას 100-ზე მეტი კომპანიის წარმომადგენელი ესწრებოდა. „ბიას“ წარმომადგენლებმა მოწვეულ სტუმრებთან ერთად განიხილეს ისეთი საკითხები, როგორიც არის ბაზრის სტატისტიკა სატრანსპორტო კომპანიებისთვის, ბაზრის მონიტორინგის და კონტროლის ეფექტური გზები, საინვესტიციო შესაძლებლობები, მედიის ეფექტური გამოყენების გზები და მომხმარებელთან საკომუნიკაციო ახალი არხები. „ჩვენი მიზანია სასარგებლო და რელევანტური ინფორმაცია მივაწოდოთ ქართულ კომპანიებს, დავეხმაროთ რომ განვითარდნენ და უფრო ეფექტურად მართონ საკუთარი ბიზნესი“ - განაცხადა „ბიას“ დირექტორის მოადგილემ, სალომე კუკავამ. „ბიას“ მიერ ორგანიზებულ შეხვედრას ესწრებოდნენ საბაჟო კონტროლის სამმართველოს და არასატარიფო კონტროლის სამმართველოს წარმომადგენლები. მოწვეულმა სპიკერებმა სტუმრებს ახალი საბაჟო კონტროლის ახალი რეგულაციები შესახებ მიაწოდეს ინფორმაცია. B Talk -ის ფარგლებში შეხვედრები სისტემატურად გაგრძელდება და წლის ბოლომდე ბიზნესის ყველა სფეროს მოიცავს.