„ბია“-ს ორგანიზებით, 2017 წლის 20 მარტს, სასტუმროში „რადისონ ბლუ ივერია“, იმართება საერთაშორისო ბიზნეს ფორუმი სახელწოდებით - „საქართველოს ეკონომიკა: პერსპექტივები და გამოწვევები“, რომლის მიზანია, საქართველოს ეკონომიკისა და რეგიონის საკითხებით დაინტერესებული ინვესტორების, ბიზნესმენების, მთავრობის წარმომადგენლებისა და საერთაშორისო ორგანიზაციების გაერთიანება სადისკუსიოდ ისეთ თემებზე, როგორიცაა ქვეყნისა და რეგიონის ეკონომიკის მიმდინარე პერსპექტივები და გამოწვევები.

ფორუმს დაესწრებიან უცხოელი ინვესტორები, საერთაშორისო სარეიტინგო სააგენტოების, საინვესტიციო ბანკების, ვენჩურული კომპანიებისა და კერძო ფონდების წარმომადგენლები. ასევე, ქართველი მეწარმეები, ადგილობრივი მთავრობის, დიპლომატიური მისიებისა და სავაჭრო პალატების წარმომადგენლები. სამუშაო დღის წესრიგის სანახავად, იხილეთ ბმული https://goo.gl/ACUi3s

ფორუმის ფარგლებში, გაიმართება Shop Fest–ი, რომლის მიზანია, წლის განმავლობაში, ტრადიციად აქციოს ერთი დღე, როდესაც საქართველოში არსებული ბიზნესები შეძლებენ ექსკლუზიური პირობებითა და ფასით ახალი პარტნიორული ურთიერთობების დამყარებასა და პროდუქტებისა და მომსახურებების გაყიდვას. შოფინგ ფესტივალზე კომპანიების მომსახურების გაცნობას შეძლებენ როგორც ფორუმის დამსწრეები, ასევე, სხვა დაინტერესებული პირები.

„ბია“ ქართული ბიზნესის წარმომადგენლებს, აძლევს შესაძლებლობას, დაგეგმონ B2B შეხვედრები პოტენციურ უცხოელ ინვესტორებთან, საინვესტიციო ბანკების წარმომადგენლებთან და მეწარმეებთან. შეხვედრის მიზანია პროექტის, კომპანიის წარდგენა საინვესტიციო კაპიტალის ან ფინანსური რესურსის მოზიდვის მიზნით, საექსპორტო არხების განვითარება და უცხოურ კომპანიებთან სხვა გრძელვადიანი ურთიერთობის დამყარება.

ფორუმთან დაკავშირებით დეტალური ინფორმაციის დასაცნობათ გამოიყენეთ ბმული https://goo.gl/h5c9EM

დამატებითი დეტალების გასაცნობად, გთხოვთ, დაგვიკავშირდეთ: საკონტაქტო პირი:
თამარ ზამთარაძე
საზოგადოებასთან ურთიერთობის ხელმძღვანელი
ტელ.: +995 577 90 15 11
ელ. ფოსტა: tzamtaradze@agh.ge