27 მარტს, ქუთაისში, სასტუმროში Best Western Kutaisi, ბიამ შეხვედრა გამართა იმერეთის რეგიონში მოქმედი კომპანიების წარმომადგენლებთან. შეხვედრა “ადგილობრივი ბიზნესის გამოწვევები და განვითარების ახალი შესაძლებლობები”,  ბიას ახალი მიმართულების, BTalks-ის ფარგლებში გაიმართა და მას 100-ზე მეტი კომპანიის წარმომადგენელი ესწრებოდა.

შეხვედრაზე განიხილეს ბიზნესის პოტენციალი იმერეთის რეგიონში, ბაზრის მონიტორინგის და კონტროლის გზები და რეგიონალური კომპანიებისთვის აქტუალური სხვა საკითხები.

ბიას გუნდმა მოწვეულ სტუმრებს წურუდგინა ბაზრის შემაჯამებელი სტატისტიკა იმერეთის რეგიონში მოქმედი კომპანიებისთვის და გააცნო ბიზნესის განვითარების ახალი პერსპექტივები.

ბიას მიერ ორგანიზებულ შეხვედრას ესწრებოდნენ საქართველოს რეგიონული განვითარებისა და ინფრასტრუქტურის მინისტრის მოადგილეები -გაგი ბუაძე და კახა გულედანი. ასევე საავტომობილო გზების დეპარტამენტის თავმჯდომარე გიორგი სეთურიძე და იმერეთის სახელმწიფო რწმუნებული-გუბერნატორის მოადგილე. სპეციალურად მოწვეულ სტუმრებთან ერთად გამართულ დისკუსიაზე განიხილეს იმერეთის რეგიონში ბიზნესის განვითარების პერსპექტივები და გამოწვევები. რეგიონალური კომპანიების წარმომადგენლებს საშუალება ჰქონდათ დაესვათ კითხვები და მიეღოთ ინფორმაცია მათთვის მნიშვნელოვან საკითხებზე.

BTalk-ის ფარგლებში, ბიამ უკვე ორი შეხვედრა გამართა თბილისში, სატრანსპორტო და სამშენებლო კომპანიებთან, სადაც მოწვეული კომპანიების წარმომადგენლებს მიაწოდეს ინფორმაცია ბაზრის და მათთვის აქტუალური თემების შესახებ. შეხვედრებს 200-მდე ქართული კომპანიის წარმომადგენელი დაესწრო.

BTalk-ის ფარგლებში, ბიას მიერ ორგანიზებული შეხვედრები სისტემატურად გაგრძელდება და წლის ბოლომდე ბიზნესის ყველა სფეროს და რეგიონს მოიცავს.